काठमाडौं । प्रधानमन्त्री पुष्पकमल दाहाल प्रचण्डको प्रेस सल्लाहकारमा गोविन्द आचार्य नियुक्त भएका छन् । प्रधानमन्त्री प्रचण्डले उनलाई आफ्नो प्रेस सल्लाहकारमा नियुक्त गरेका हुन् ।
उनी पत्रकार महासंघ नेपालका पूर्वअध्यक्ष समेत हुन् । उनी जनदिशा राष्ट्रिय दैनिकका सम्पादक, प्रेस काउन्सिलका सदस्य र नेपा चाईना मिडिया फोरमका महासचिव हुन् ।
आचार्यको विभिन्न मिडियामा लामो समय आबद्ध भई काम गरेको अनुभव छ । उनी यसअघि प्रचण्ड प्रधानमन्त्री हुँदा प्रेस सल्लाहकार भएका थिए ।
प्रधानमन्त्रीको प्रेस विज्ञमा मनहरि तिमिल्सेना र प्रेस संयोजकमा सूर्यकिरण शर्मा छन् ।
प्रतिक्रिया