बैंक ब्याजदरमा कटौती, वैशाख १ देखि निक्षेपको ब्याज एकल अंकमा

काठमाडौं । वाणिज्य बैंकहरुले निक्षेपको ब्याजदर घटाएका छन् ।

नेपाल बैंकर्स संघले वैशाख १ गतेदेखि लागू हुने गरी निक्षेपको ब्याजदर घटाउने निर्णय गरेको हो ।

बुधबार बसेको संघको बैठकले एक वर्षे मुद्दतीको ब्याज ११ प्रतिशतबाट ९दशमलव ९९ प्रतिशतमा झार्ने निर्णय गरेको छ। यस्तै, संस्थागत निक्षेपकर्ताको ब्याजदर ७ दशमलव ९९ प्रतिशतमा झारेको छ ।

यसैगरी बचतको ब्याजदरमा पनि व्यापक कटौती गरिएको छ । बजतमा ५ दशमलव ४ देखि ७ दशमलव ४ प्रतिशतमा झारिएको संघले जनाएको छ । यस्तै कल डिपोजिटको ब्याजदर २ दशमलव ७ प्रतिशतमा झारिएको छ ।

वैशाखमा घटाइएको ब्याजदरले आगामी साउनदेखिको आधार दरमा प्रभाव पार्नेछ । त्यसपछि मात्र बैंकबाट विगतमा ऋण लिएकाहरुका लागि राहत मिल्नेछ । तर, बचतको ब्याजदर तत्कालै घट्ने हुँदा नयाँ ऋणीले तत्कालै राहत पाउनेछन् । उनीहरुका लागि तत्कालै कम आधार दरमा कम ब्याजदर उपलब्ध हुनेछ ।