बुटवल । बुटवल, उप-महानगरपालिका वडा नं. १३ लालिगुरास पथका एक स्थानीयको कोठामा पसेर ल्यापटप सहितको सामान चोर्ने एकजनालाई रङ्गे हात पक्राउ गरिएको छ । गयराती कोठामा पसेर सामान लिएर भाग्दै गर्दा स्थानीयको सहयोगमा प्रहरीले ती व्यक्तिलाई पक्राउ गरेको हो ।
पक्राउ पर्नेमा सोही स्थानमा बस्ने बस्ने बर्ष १९ का शुक्र परियार रहेका छन् । परियारले घरमा कोही नभएको मौका छोपी कोठामा प्रवेश गरी कोठाको टेवुल माथी रहेको ल्याबटप १ थान, मोवाईल १ थान स्पिकर २ थान समेत चोरी गरी लैजाने क्रममा पक्राउ गरिएको इलाका प्रहरी कार्यालय बुटवलले जनाएको छ ।
पक्राउ परेका परियारलाई चोरी कसुर शिर्षकमा मुद्दा दर्ता गरी थप अनुसन्धान भई रहेको इलाका प्रहरी कार्यालय बुटवलका प्रमुख डीएसपी दानबहादुर थापाले बताए ।
प्रतिक्रिया