दाङ । दाङको लमहीमा होटलमा काम दिने बहानामा परपुरुषसँग शारीरिक सम्बन्ध राख्न बाध्य पार्ने एकजना होटल संचालक पक्राउ परेका छन् । दाङ देउखुरीको लमहीस्थित बी एण्ड बी होटलका संचालक नुमाराज भुषाललाई मानव बेचबिखन तथा ओसारपसार कसुरमा प्रहरीले पक्राउ गरेको हो ।
पक्राउ परेका ४४ वर्षीय भुषालले कामको खोजीमा आएका दुई जना महिलालाई विभिन्न किसिमका प्रलोभन देखाई परपुरुषसँग शारीरिक सम्बन्ध राख्न बाध्य पारेको अभियोगमा पक्राउ गरिएको प्रहरीले जनाएको छ । पीडितको उजुरीको आधारमा पक्राउ परेका भुषाललाई जिल्ला अदालतबाट पाँच दिनको म्याद लिई अनुसन्धान गरिरहेको वडा प्रहरी कार्यालय लमहीले जानकारी दिएको छ ।
परपुरुषसँग शारिरीक सम्बन्ध राख्न इन्कार गर्दा डर त्रास देखाउँदै गलत काम गर्न बाध्य पारेको पीडितहरुले दिएको उजुरीका आधारमा भुषाललाई प्रहरीले पक्राउ गरेको हो ।
उनीमाथि पीडितहरुले २०७९ साल मंसिर महिनाको अन्तिमदेखि चैत २७ गतेसम्म पटक–पटक होटलमा बोलाएर शारीरिक सम्बन्ध राख्न बाध्य बनाएको आरोप लगाएका छन् । ।
प्रतिक्रिया