बुटवल । केन्द्रीय अध्यक्ष प्रेमसागर कर्माचार्यलाई केन्द्रीय अध्यक्षमा निरन्तरता दिँदै नेपाल स्वयमसेवी रक्तदाता समाजको चौथो अधिवेशन सम्पन्न भएको छ । आज बिहानबाट सुरु भएको अधिवेशनले अध्यक्षमा पुनः कर्माचार्यलाई निर्विरोध निर्वाचित गरेको हो ।
समाजको शनिबार बुटवलमा सम्पन्न चौथो महाधिवेशनले उपाध्यक्षमा ध्रुव थपलिया (चितवन), महासचिवमा कृष्ण चौहान क्षेत्री (रुपन्देही), सचिवमा तिर्थराज अवस्थी (कास्की) र कोषाध्यक्षमा प्रतिमा लामा (रसुवा)लाई निर्वाचित गरेको छ ।
त्यस्तै नवनिर्वाचित केन्द्रीय कार्यसमितिको सदस्यहरुमा विमलकुमार भित्रकोटी, धर्मराज लुइटेल, प्रेमप्रसाद लम्साल, मनु लामा, प्रवासकुमार शाक्य, सुशिल घर्ती, गोविन्द वाग्ले, भिम विक, रामबहादुर खड्का, भेषराज पाण्डे, ध्रुव रुपाखेती र गुञ्जनकुमार गुप्ता रहेका छन् ।
अधिवेशनको आजै लुम्बिनी प्रदेशका प्रदेश प्रमुख अमिक शेरचनले उदघाटन गरेका थिए । बिस २०६२ सालमा स्थापना भएको संस्थाको चौथो अधिवेशन पहिलोपटक काठमाण्डौ उपत्यका बाहिर बुटवलमा आयोजना गरिएको थियो ।
समाजको ३४ जिल्ला शाखा, नगरपालिका, गाउपालिका, वडा ईकाई गरि ७७ वटा शाखा संचालनमा रहेका छन् । अधिवेशनमा ३४ जिल्लाबाट ९० जना सहभागी थिए।
प्रतिक्रिया