बुटवल सहित देशका अधिकांस स्थानमा वर्षा

बुटवल । पश्चिमी वायु र स्थानीय वायुको प्रभावका कारण आज बिहानै देखि बुटवल सहित देशका अधिकांस स्थानमा वर्ष भइरहेको छ । देशभर अझै तीन दिन वर्षाको सम्भावना रहेको जल तथा मौसम विज्ञान विभागले जनाएको छ। वायुको प्रभावका काराण आगामी तीन दिनसम्म वर्षा हुने सम्भावना रहेको मौसम पूर्वानुमान महाशाखाले जनाएको हो ।

अहिले बुटवलसहित देशभर आंशिकदेखि सामान्य बदली रहि लुम्बिनी, कर्णाली, गण्डकी र सुदूरपश्चिम प्रदेशका अधिकांस स्थानहरुमा मेघगर्जन र चट्याङसहित हल्का वर्षा भइरहेको छ। आज मध्यान्ह पछि पनि आंशिकदेखि सामान्य बदली रहि पहाडी र तराई भूभागका केही स्थानहरूमा पनि वर्षाको सम्भावना रहेको महाशाखाले जनाएको छ ।

प्रिमनसुन चलिरहेकाले पानी रोकिने र पर्ने क्रम चलिरहेपनि बादल भने लागिरहने बताइएको छ । मेघगर्जन, चट्याङ र हावाहुरीसहित वर्षाको सम्भावना रहेकाले क्षति हुन नदिनका लागि सतर्कता अपनाउन विभागले अनुरोध गरेको छ।