पुर्व गृहमन्त्री बादलका सल्लाहकार राई पक्राउ

काठमाडौं । पुुर्वगृहमन्त्री रामबहादुर थापा ‘बादल’ का सल्लाहकार इन्द्रजित राई पक्राउ परेका छन्। नक्कली भुटानी शरणार्थी बनाउने प्रकरणमा मुछिएका राईलाई पक्राउ गरिएको हो। उनलाई सुनाकोठी, ललितपुरवाट पक्राउ गरिएको हो ।

नक्कली भुटानी शरणार्थी बनाएर अमेरिका पठाउने भन्दै ठगी गरेको अभियोगमा राईलाई पक्राउ गरिएको हो । जिल्ला प्रहरी कार्यालयका एक प्रहरी अधिकृतबाट उनी माथी सोधपुछ सुरु भएको छ ।

द्वन्दविद् भनेर चिनिने राईलाई सरकारी वकिल कार्यालयले वारेन्ट जारी गरेको थियो । नक्कली शरणार्थी बनाएर अमेरिका पठाउन लागेको भन्दै एमालेका उपाध्यक्ष रामबहादुर थापाको छोरा, सचिव टोपबहादुर रायमाझी र उनको छोरा लगायत झण्डै आधा दर्जनलाई आरोप लागेको छ ।