काठमाडौं । जनता समाजवादी पार्टी (जसपा) नेपालको केन्द्रीय कार्यकारिणी समितिको बैठक आज बस्दैछ ।
बिहान ११ बजे पार्टी कार्यालयमा बस्ने बैठकमा विधान अधिवेशन, सरकारमा सहभागिता लगायत समसामयिक विषयमा छलफल र निर्णय गर्नेछ ।
जसपाबाट अहिले सरकारमा एकजना मात्र सहभागी छन् । जसपाले आफ्नो भागमा परेको दुई मन्त्रालयमध्ये शिक्षा मन्त्रालयमा अशोक राईलाई पठाएको छ ।
बाँकी रहेको अर्को मन्त्रालयमा कसलाई पठाउनेभन्ने विषयमा उसले टुंगो लगाउन बाँकी छ । गत १० वैशाखमा सम्पन्न उपनिर्वाचनबाट पार्टी अध्यक्ष उपेन्द्र यादव निर्वाचित भएकाले पनि जसपाले मन्त्रीको टुंगो लगाउन बाँकी रहेको हो ।
जसपाको भागमा परेको बाँकी रहेको मन्त्रालयको जिम्मेवारी उपेन्द्रले लिने चर्चा पनि छ । उपप्रधानसहित मन्त्रालयको जिम्मेवारी पाए उनी सरकारमा जाने सम्भावना रहेको बताइएको छ ।
प्रतिक्रिया