पाल्पा । पाल्पाको तानसेनमा संचालनमा रहेको राजा एकीकृत कृषि तथा कालिज फर्मका संचालक कलिम खाँ मृत अवस्थामा फेला परेका छन् । पाल्पाको रानीमहल सडक खण्डको गाइघाटमा सडक किनारमा मृत अवस्थामा खाँको सव फेला परेको हो ।
आज मध्यान्ह स्थानीयले सडक किनारमा घोप्टो परेको अवस्थामा सव देखिपछि प्रहरीलाई खबर गरेका थिए । रानीमहल प्रहरी चौकीबाट खटिएको प्रहरी टोलिले सवको पहिचान गरि पोष्टमार्टमका लागि जिल्ला अस्पताल पाल्पा पठाएको प्रहरीले जनाएको छ ।
४० वर्षिय खाँको मृत्यु सम्बन्धमा अनसन्धान सुरु गरिएको पाल्पा प्रहरी प्रवक्ता डीएसपी विरेन्द्र थापाले बताएका छन् ।
प्रतिक्रिया