विश्वविख्यात दार्शनिक तथा योग गुरु डा. विकासानन्द बुटवल आउदै

बुटवल । विश्वविख्यात दार्शनिक तथा योग गुरु डा.योगी विकासानन्द बुटवलमा आउने भएका छन् । यहि जेठ १३ गते बुटवलमा आयोजना हुने ध्यान, साधना, योग लगायतका विविध विषयमा कार्यक्रम गर्ने गरी डा. विकासानन्द बुटवलमा आउन लागेका हुन ।

बिहान देखि साँझ सम्म एक दिन बुटवल योगीकुटीमा रहेको होटल फेमिङ्गोमा आयोजना हुने शिविरको तयारी पुरा भएको विश्व परिवार विकासानन्द फाउन्डेसन बुटवलका संयोजक लिला गौतमले जानकारी दिईन ।

बुटवलमा पत्रकार सम्मेलनको आयोजना गरी संयोजक गौतमले डा। विकासानन्दले बिहान देखि साँझ जेठ १३ गते शनिबार उक्त योग, ध्यान, ज्ञानको शिविर आयोजना गरिएको जानकारी दिइन ।

शनिबार आयोजना गरिएको उक्त शिविरमा सहभागीताका लागि ५ सय रुपैयाँको टिकट व्यवस्थापन गरिएको छ । शिविरमा सहभागीहरुको लागि सोही टिकटबाट नै खाना, खाजाको प्रबन्ध गरिएको छ ।

योगी विकासानन्द बुटवलमा यस्तो प्रकृतिको कार्यक्रममा पहिलो पटक आउन लागेका हुन । विश्व परिवार विकासानन्द फाउन्डेसन रुपन्देहीमा १०० भन्दा बढि सदस्यहरु आवद्ध रहेका छन् ।

दुई चरणमा आयोजना हुने शिविरमा बिहान देखि दिउँसो योगा, ध्यानको कार्यक्रम राखिएको छ भने दिउँसो देखि साँझको मनोक्रान्तिको विषयमा प्रवचनको कार्यक्रम राखिएको संयोजक गौतमलले जानकारी दिईन । कार्यक्रममा १ हजार भन्दा बढिको सहभागीता अपेक्षा गरिएको छ ।