रेशम चौधरीलाई आम माफी दिन राष्ट्रपति पौडेल मानेनन्, आम माफीको सिफारिस फिर्ता

काठमाडौं । राष्ट्रपति रामचन्द्र पौडेलले रेशम चौधरीको आममाफी सम्बन्धि प्रस्ताव अस्वीकार गरेका छन् । आममाफीको सिफारिस सहित सरकारले बिहिबार कार्यालयमा पठाएको फायल राष्ट्रपति कार्यालयले शुक्रबार गृहमन्त्रालयमा फिर्ता गरेको हो ।

आम माफीका लागि पठाईएको सिफारिसमा कानुन नपुगेको भन्दै राष्ट्रपति कार्यालयले गृहमन्त्रालयमा फाइल फिर्ता गरेको राष्ट्रपतिको पौडेलको सचिवालयले जनाएको छ ।

रेशम चौधरीको आम माफीसम्बन्धी प्रचलित कानुन, सर्वोच्चको फैसला, सर्वोच्च अदालतद्वारा प्रतिपादित सिद्धान्त विपरित नहुने गरि कानुन बमोजिम पठाउन सुझाव सहितथ राष्ट्रपति कार्यालयले गृहमन्त्रालयमा फाइल फिर्ता गरेको सचिवालयले जनाएको छ ।

टिकापुरमा हत्या भएका नेपाल प्रहरीका इन्स्पेक्टर केशव बोहराकी पत्नी शारदा बोहराले आजै आम माफी दिन नहुने माग सहित राष्ट्रपति कार्यालयमा दिएको निवेदनलाई पनि राष्ट्रपति कार्यालयले गृह मन्त्रालयमा कार्यार्थ पठाएको छ ।