काठमाडौं । काठमाडौं महानगरका प्रमुख बालेन्द्र शाह (बालेन)ले महानगरभित्र हिन्दी फिल्म चल्न नदिने घोषणा गरेका छन् । महानगर प्रमुख बालेनले दक्षिण भारतीय चलचित्र ‘आदिपुरुष’मामा मर्यादा पुरुषेत्तम रामकी पत्नी जानकी भारतीय छोरी भएको उल्लेख गरिएको भन्दै महानगर भित्र हिन्दी फिल्म चल्न नदिने घोषणा गरेका हुन् ।
उनले सामाजिक सञ्जालमा पोष्ट गर्दै दक्षिण भारतीय फिल्म ‘आदिपुरुष’मा समावेश ‘जानकी भारतीय छोरी हुन्’ भन्ने शब्द जबसम्म नेपालमा मात्र नभै भारतमा पनि सच्चिँदैन तब सम्म काठमाडौ महानगर पालिका भित्र कुनै पनि हिन्दी फिल्म चल्न नदिने जनाएका छन् । बालेनले सच्याउनका लागि फिल्म निर्मातालाई ३ दिनको समय दिइएको समय दिएका छन् ।
‘दक्षिण भारतीय फिल्म ‘आदिपुरुष’मा समावेश ‘जानकी भारतीय छोरी हुन्’ भन्ने सब्द जबसम्म नेपालमा मात्र नभै भारतमा पनि सच्चिदैन तब सम्म काठमाडौ महानगर पालिका भित्र कुनै पनि हिन्दी फिल्म चल्न दिइने छैन ।’ बालेनले लेखेका छन्, ‘यो सच्याउन ३ दिनको समय दिइएको छ । माता सीताको जय होस ।’
प्रतिक्रिया