बुटवल । बुटवल उपमहानगरपालिकाले आर्थिक वर्ष २०८०/८१ का लागि २ अर्ब ३५ करोड रुपैयाँको बजेट पेश गरेको छ ।
उपमहानगर नगर सभाको १३ औँ अधिवेशनमा आइतबार उपप्रमुख सावित्रादेवी अर्यालले आगामी आर्थिक वर्ष २०८०/८१ का लागि २ अर्ब ३६ करोड ५४ लाख रुपैयाँको बजेट पेश गरेकी हुन् । चालु आर्थिक वर्ष भन्दा झण्डै १ करोड बढाएर उपप्रमुख अर्यालले बजेट प्रस्ताव गरेकी छन् । उपमहानगरपालिकाले आर्थिक वर्ष २०७९/८० मा २ अर्ब ३५ करोड रुपैयाँको बजेट पेश गरिएको थियो ।
बुटवल उपमहानगरले उपलब्ध श्रोत साधन, क्षमता र अवसरको परिचालन गरी आर्थिक विकासको गतिलाई निरन्तरता दिदै नगरबासीको जीवनस्तर उकास्न सामाजिक, आर्थिक र पूर्वाधार विकासलाई प्राथमिकता दिने भनेको छ । कर प्रशासनलाई चुस्ता बनाउन कर असुलिकालागि ‘स्पेशल टास्क फोर्स’ नै गठन गर्ने बजेटमा उल्लेख गरिएको छ ।
प्रस्ताव गरिएको बजेटमा संघीय सरकारबाट समानीकरण ३० करोड १७ लाख, सशर्त अनुदान ४७ करोड ९२ लाख, समपुरक अनुदान ८० लाखर विशेष अनुदान २ करोड तथा प्रदेश सरकारबाट समानीकरण अनुदान २ करोड ३१ लाख, सशर्त अनुदान २ करोड ९ लाख, समपुरक अनुदान २ करोड प्राप्त हुने उल्लेख गरिएको छ ।
प्रतिक्रिया