बुटवल । रक पप गायक तथा अभिनेता रविन तामाङको सम्झनामा बुटवलको होराइजन चोकमा मैनबत्ती प्रज्वलन तथा श्रद्धाञ्जली कार्यक्रम सम्पन्न भएको छ ।
बुटवल रक्सको संयोजकत्वमा भएको सो कार्यक्रममा विभिन्न संगीतकर्मीहरु, संगीतप्रेमीहरुको उल्लेखनीय उपस्थिति रहेको थियो ।
हातमा मैनबत्ती, कार्यक्रम ब्यानरसहित समवेदना गीतहरु बुटवल रक्सका संगीतकर्मीहरुले रबिन तामाङप्रति अर्पण गरेका थिए । कार्यक्रममा ८० भन्दा बढीको उपस्थिति रहेको बुटवल रक्सका सचिव अनुप प्रधानले जानकारी गराए ।
नेपाली साङ्गीतिक क्षेत्रका चर्चित्र रकगायक रविन तामाङ अनगिन्ती संगीतकर्मीहरुका प्रेरणाका स्रोत थिए । उनको रक म्युजिकप्रतिको योगदान सधैं सबैका लागि यादगार हुनेछन् ।
प्रतिक्रिया