बुटवल । जबरजस्ती करणी गरी करणीको भिडियो बनाई भाइरल गर्दिन्छु भन्दै ‘ब्ल्याकमेल’ गरेको आरोपमा बुटवलका एक युवा पक्राउ परेका छन् । रुपन्देहीकै एक युवतीलाई करणी गरि भिडियो बनाएर ब्ल्याकमेल गरेको आरोपमा पाल्पा प्रहरीले बुटवल उप–महानगरपालिका वडा नं ९ बस्ने २४ वर्षिय आशिष सुनारलाई पक्राउ गरेको हो ।
प्रहरीले दिएको जानकारी अनुसार सुनारले बैशाख ५ गते बिहान पाल्पा तानसेन नगरपालिका वडा नं. ३ भगवतीटोल स्थित एक होटलमा रुपन्देहीकै २५ वर्षीय महिलालाई करकापमा जबरजस्ती करणी गरेको र करणी गरेको भिडियो बनाई पटक– पटक फोन तथा म्यासेज गरी भेटन नआए भिडियो भाइरल गर्ने धम्की दिने गरेको खुलेको छ ।
साउन ९ गते बिहान आशिष सुनारले पिडितलाई फोन गरी जिल्ला रुपन्देही बुटवल उप–महानगरपालिका वडा नं. ११ माझगाउँमा बोलाई सोही स्थानमा रहेको सानदार होटलमा लगि पुनः जबरजस्ती करणी गरेको प्रहरीले आरोप लगाएको छ ।
शुक्रबार जिल्ला प्रहरी कार्यालय पाल्पामा लिखित जाहेरी दिएसँगै पाल्पाबाट प्रहरी अनुसन्धान अधिकृत सहितको टोली खटिई ईलाका प्रहरी कार्यालय बुटवलको समन्वयमा आशिष सुनारलाई रुपन्देहीको बुटवलबाट नियन्त्रणमा लिएको हो । पक्राउ परेका सुनारलाई थप अनुसनधान गरि जबर्जस्ती करणी अभियोगको मुद्दा चलाउने तयारी गरिएको प्रहरीले जनाएको छ ।
प्रतिक्रिया