बुटवल । सिद्धार्थ राजमार्गको बुटवल-पाल्पा सडक खण्ड पहिरोका कारण अवरुद्ध भएको सडक सुचारु भएको छ ।
सिद्धार्थ राजमार्ग अन्तर्गत बुटवल पाल्पा सडकखण्डको तिनाउ गाउँपालिका-३ स्थित तिस माइलमा पहिरो जाँदा राजमार्ग अवरुद्ध भएकोमा बाटोमा खसेको पहिरो हटाई सडक सुचारु गराइएको दोभान प्रहरी चौकीका सइ कमल थापाले जानकारी दिए ।
मध्यराती खसेको पहिरोका कारण राजमार्ग पूर्णरूपमा अवरुद्ध भएको थियो । बिहान ५ बजे देखि सडक डिभिजन कार्यालय पाल्पाको जेसिबिले पहिरो पन्छाएर केहीबेर अगाडि सडक संचालनमा ल्याएको हो ।
पहिरो संगै रुख ढलेर सडकमा खसेको हुँदा पहिरो पन्छाउन करिब २ घण्टा बढी लागेको थियो । राजमार्ग अवरुद्ध भएपछि सयौंको संख्यामा रोकिएका सवारी साधन गन्तब्यतर्फ लागेका छन् ।
प्रतिक्रिया