काठमाडौं । कोशी प्रदेशका मुख्यमन्त्री उद्धव थापाविरुद्ध एमालेले दायर गरेको मुद्दामाथिको सुनुवाइ आज हुँदैछ ।
सर्वोच्च अदालतमा परेको मुद्दाको सुनुवाइ न्यायाधीशद्वय सपना प्रधान मल्ल र सुस्मलता माथेमाको इजलासमा हुने भएको छ ।
यसअघि शुक्रबार पनि पेसी तोकिएको थियो । तर त्यसअघि सोही मुद्दाको सुनुवाइ गर्दै कोशी सरकार विरुद्ध अन्तरिम आदेश जारी गरेका ईश्वरप्रसाद खतिवडाले इजलासमा बस्न अस्वीकार गरेपछि पेसी आजका लागि सरेको थियढो ।
एमाले कोशी प्रदेश संसदीय दलका नेता एवं पूर्वमुख्यमन्त्री हिम्मत थापाले मुख्यमन्त्री थापाले विश्वासको मत लिँदा सभाको अध्यक्ष गरेका सांसदले दिएको मत असंवैधानिक भएको जिकिर गर्दै भदौ ६ गते मुद्दा दायर गरेका थिए ।
मुख्यमन्त्री थापाले भदौ ४ गते प्रदेशसभाबाट विश्वासको मत लिएका थिए । सभाको अध्यक्ष गरेका सांसद इस्माइल मन्सुरले थापालाई मत दिएका थिए ।
मुद्दामा प्रदेश प्रमुख पर्शुराम खापुङ, मुख्यमन्त्री थापा, प्रदेश सभा सचिवालयलाई कार्काीले विपक्षी बनाएका छन्।
प्रतिक्रिया