नेपालगन्ज । नेपालगन्ज विमानस्थलबाट २६ लाख नगद सहित आन्तरिक राजश्व कार्यालय तुलसीपुरका कर अधिकृत खगेन्द्र सापकोटा पक्राउ परेका छन् ।
श्री एयरको विमानमा नेपालगन्जबाट काठमाडौं जाँदै गरेका सापकोटा विमानस्थल सुरक्षाको चेकजाँचकाक्रममा पक्राउ परेका हुन् । उनको लगेज चेकजाँच गर्ने क्रममा २६ लाख नगद फेला परेको बाँके प्रहरी प्रवक्ता डीएसपी नारायण डाँगीले बताए ।
उनीसँगै काठमाडौं उड्ने तयारी रहेका अर्का अधिकृत दीपक पौडेल भने फरार भएको डीएसपी डाँगीले बताए । सापकोटाको लगेजमा नगद भेटिएसँगै पौडेल विमानस्थलबाट फरार भएको उनले जानकारी दिए ।
घुस रकम लिएर काठमाडौं तर्फ हिँडेको गोप्य सूचनाका आधारमा प्रहरीले चेकजाँचमा कडाई गरेको स्रोतले दाबी गरेको छ । कडा सुरक्षा रहेको विमानस्थलबाट अर्का अधिकृत फरार भएको विषय भने रहश्यमय रहेको देखिएको छ ।
प्रतिक्रिया