मस्को । उत्तर कोरियाका नेता किम जोङ ४ वर्षपछि पहिलो पटक मुलुक बाहिरको भ्रमणमा निस्केका छन् ।
किम जोङ रुसी राष्ट्रपति भ्लादिमिर पुटिनलाई भेट्न रुस पुगेका छन् । यी दुईबीच गोप्य भेटघाट हुने भएकाले यसबारे अहिलेसम्म केही खुलाइएको छैन । बीबीसी रिपोर्टका अनुसार पुटिन र किम जोङ उनबीचको भेट भ्लादिभोस्तोकमा हुन लागेको छ ।
रुसी समाचार एजेन्सी टासका अनुसार पुटिन र किम जोङ उन दुई भेटपछि डिनर गर्ने छन् । विशेष कुरा के छ भने उत्तर कोरियाली नेता किम जोङ उन निजी विमानबाट नभई रुसी राष्ट्रपति भ्लादिमिर पुटिनलाई भेट्न निजी रेलबाट आएका हुन् ।
बीबीसीको रिपोर्ट अनुसार किम जोङ उनको निजी ट्रेनमार्फत रुसमा प्रवेश गरेको थिए । किम जोङ उनसँगै सेनाका शीर्ष कमाण्डर पनि छन् । किम जोङ उनको उक्त बख्तरबंद ट्रेनमा २० बुलेटप्रुफ गाडीहरूसमेत रहेका छन्।
प्रतिक्रिया