खजुरा । खजुरा क्षेत्र संरक्षण समितिको १८ औं सृङ्खलाकारुपमा खजुरा बजारमा आयोजित बृहत तीज महोत्सवमा सामुहिक नृत्युको उपाधि सगरमाथा ग्रुप, नेपालगन्जलेले हासिल गरेको छ । सगरमाथा ग्रुप, नेपालगन्जले सामुहिक नृत्यमा सर्वाधिक नम्बर ल्याएर ३५ हजार पुरस्कार प्राप्त गरेको छ ।
महोत्सवको सामुहिक नृत्यु तर्फको दोस्रो स्थान हिमालय बिद्या निकेटन, बैजनाथ र तृतिय स्थान दिपक बोर्डिङ स्कुल, खजुराले हात पारेको छ । दोस्रो हुने हिमालयले १५ हजार र तृतिय हुने दिपकले १० हजार पुरस्कार प्राप्ग गरेका छन् ।
एकल तीज नृत्य तर्फ प्रथम स्थान ज्ञानोदय माविकी करुणा शाहीले प्राप्त गरेकी छन् भने दोस्रो स्थान जनसेवा माबीकी सुभेक्षा बोहोरा र तृतिय स्थान दिपा सुनारले प्राप्त गरेकी छन् । उनीहरुले क्रमशः ५ हजार, ३ हजार र २ हजार नगद पुरस्कार र प्रमाणपत्र प्राप्त गरेका छन् ।
प्रतियोगितामा पुरस्कृत हुन सफल टिम र कलाकारलाई खजुरा गाँउपालिकाकी उपाध्यक्ष मन्जु मल्लले पुरस्कार तथा प्रमाणपत्र वितरण गरिन् । कार्यक्रमको उदघाटन पनि उपाध्यक्ष मल्लले मञ्चमा छमछम नाचेर गरेकी थिइन् । ठुलो संख्याको दर्शकको उपस्थितीमा सम्पन्न महोत्सवमा लाखे नाच प्रदर्शन गरिएको थियो ।
कार्यक्रमकाबीच खजुरा क्षेत्रबाट कला क्षेत्रमा प्रवेश गरि ख्याती कमाएका नृत्यु निर्देशक तथा बाद्यबादक केबी शाहीलाई नगद सहित सम्मान गरिएको थियो ।
महोत्सवबाट बचेको रकमबाट संरक्षण समितिको भवन मरमत तथा निर्माण गर्ने लक्ष्य राखिएको खजुरा क्षेत्र संरक्षण समितिका अध्यक्ष प्रेम बुढाथोकीले बताए ।
प्रतिक्रिया