काठमाडौं । एक शिख नेताको हत्या प्रकरणलाई लिएर क्यानडाले भारतीय भारतीय कूटनीतिज्ञलाई देश निकाला गरेको छ । जवाफमा भारतले पनि क्यानडेली कुटनीतिज्ञलाई पाँच दिनभित्र भारत छोड्न आदेश दिएको छ ।
क्यानेडाली शिख नेता हरदीप सिंह निज्जरको हत्या प्रकरणलाई भारतको खुफिया एजेन्सी रिसर्च एन्ड एनालिसिस विङ (आरएडब्ल्यू–रअ)का स्टेशनप्रमुख पवनकुमार राईलाई निष्कासन गरिएको क्यानडाकी विदेशमन्त्री मेलानी जोलीले बताएकी छन् ।
क्यानडाको निर्णयबाट आक्रोशित भारतले तत्कालै क्यानडेली कुटनीतिज्ञलाई देश निकालाको आदेश जारी गरेको हो । भारतीय विदेशमन्त्रालयका प्रवक्ता आनन्दीराम वाक्चीले क्यानडाले लगाएको आरोपलाई अस्वीकार गर्दै कुटनीतिज्ञ निकालेको जनाएका छन् ।
यसअघि क्यानडाका प्रधानमन्त्री जस्टिन ट्रुडोले निज्जरको हत्यामा भारतीय सरकारी एजेन्टको संलग्नताको आशंकामा सुरक्षा एजेन्सीले अनुसन्धान गरिरहेको बताएका थिए ।
सोमबार संसदमा सम्बोधन गर्ने क्रममा उनले भारत सरकारका एजेन्टले गत जुनमा निज्जरको हत्या गरेको बताएका थिए ।
गत जुनमा क्यानडाको ब्रिटिश कोलम्बियाको एउटा गुरुद्वार नजिकै निज्जरको गोली हानेर हत्या भएको थियो ।
प्रतिक्रिया