काठमाडौं । चिनियाँ राष्ट्रपति सी चिनफिङले नेपाल र चीनबीचको मैत्रीपूर्ण र सहयोगी सम्बन्धलाई नयाँ उचाइ दिनेमा आफु विश्वस्त रहेको बताएका छन् ।
प्रधानमन्त्री पुष्पकमल दाहाल प्रचण्डलाई स्वागत गर्दै राष्ट्रपति सीले प्रधानमन्त्रीको रुपमा प्रचण्डको तेस्रो कार्यकालमा नेपाल र चीनबीचको सम्बन्धमा फलदायी नतिजा ल्याउँदै सम्बन्धलाई नयाँ उचाई दिनेमा विश्वस्त रहेको बताएका हुन् ।
राष्ट्रपति सीले चीन र नेपालबीचको मैत्रीपूर्ण सम्बन्धको विकासलाई प्रवर्द्धन गर्ने र बेल्ट एण्ड रोड इनिसिएटिभ निर्माणमा दुई देशबीचको सहयोगको दृढ समर्थनप्रति प्रधानमन्त्रीको प्रतिबद्धताको उच्च प्रशंसा समेत गरेको ग्लोबल टाइम्सले जनाएको छ ।
राष्ट्रपति सी र प्रधानमन्त्री प्रचण्डको उपस्थितिमा भएको छलफलमा दुई देशबीच रणनीतिक साझेदारीका विषयमा कुराकानी भएको छ।
उक्त छलफलमा बीआरआई कार्यान्वयनबारे छलफल भएको छ । तर, नेपाली पक्षले तयारी नपुगेको भनेपछि ठोस प्रगति नभएको बताइको छ । यद्यपी प्रधानमन्त्री प्रचण्डले बीआरआईमा नेपालको प्रतिवद्धता पुनः दोहोर्याएका थिए ।
चिनियाँ विदेश मन्त्रालयले द्विपक्षीय वार्तापछि चीन र नेपालले भूगोलमा साना(ठूला भए पनि समानता र पारस्परिक लाभमा आधारित सहयोगको राम्रो उदाहरण स्थापित गरेको सामाजिक सञ्जालमा उल्लेख गरेको छ।
प्रतिक्रिया