बुटवल । बुटवल उद्योग बाणिज्य संघ रुपन्देहीको जारी २५ औ अधिवेशन अन्तरगत मतदान कार्य सम्पन्न भएको छ । बिहान ९ः४० देखि शुरु भएको मतदान ५ बजे सम्पन्न भएको हो ।
मतदानमा १ हजार ५०६ मतदाताले मतदान गरेको प्रमुख निर्वाचन अधिकृत बाबुराम पाण्डेले जानकारी दिए। जुन कुल मतदाता संख्याको करिब ८५ प्रतिशत मत हो। संघमा १ हजार ७७८ मतदाता छन।
संघ अध्यक्ष उज्ज्वल कसजु र बुटवल नगरप्रमुख खेलराज पाण्डेबाट शुरु भएको मतदान अध्यक्षका दुई प्रत्याशी दिनेश प्रसाद श्रेष्ठ र हरि अर्यालले मतदान गरि मतदानकार्य समापन गरिएको थियो ।
संघको नेतृत्व गर्नको लागि दिनेश प्रसाद श्रेष्ठ र हरि अर्याल प्यानल सहित चुनाबी मैदानमा छन। वरिष्ठ उपाध्यक्ष टंक गैरे र बाणिज्य उपाध्यक्षमा बिमलराज भट्टराई सर्वसम्मत भएका छन ।
प्रतिक्रिया