चीनमा इजरायली कुटनीतिज्ञमाथि छुरा प्रहार

खबरकुरा संवाददाता

२६ आश्विन २०८०, शुक्रबार

260

तेलअबिव । चीनमा इजरायली कूटनीतिज्ञमाथि चक्कु प्रहार भएको छ ।

टाइम्स अफ इजरायलका अनुसार एक इजरायली कूटनीतिज्ञलाई चीनमा छुरा प्रहार गरिएको हो ।

यसलाई आतंकवादी हमला मानिएको छ । इजरायलको विदेश मन्त्रालयले यो जानकारी दिएको हो ।

हाल ती कूटनीतिज्ञको अस्पतालमा उपचार भइरहेको छ । चिनियाँ अखबार ग्लोबल टाइम्सका पूर्वसम्पादक हु सिजियाङले चिनियाँ भूमिमा इजरायली कुटनीतिज्ञमाथि भएको आक्रमण क्षम्य हुन नसक्ने टिप्पणी गरेका छन् । उनले चिनियाँ कानूनअनुसार आक्रमणकारीलाई कडा कारवाही हुने विश्वास लिएका छन् ।

प्रकाशित मिति : २६ आश्विन २०८०, शुक्रबार ५ : ०९ बजे