नेपालगन्ज । नेपालगन्जमा मोटरसाइकल दुर्घटनामा परि घाइते भएका एकजनाको उपचारका क्रममा मृत्यु भएको छ । सडक किनारमा रोकेर राखिएको धानको थ्रेशर मेसिनमा मोटरसाइकल ठोक्किदा घाइते भएका नेपालगन्ज् –८, त्रिभुवन चोकका ४० वर्षीय विनोदकुमार बाल्मिकीको मृत्यु भएको हो ।
प्रहरीका अनुसार नेपालगन्ज उपमहानगरपालिका २० राँझास्थित सडक किनारमा रोकी राखेको भे १ त ३२३० नम्बरको ट्रयाक्टरमा जडान गरेको धानको थ्रेशर मेसिनमा बिहीबार राति बाल्मिकीले चलाएको भे ९ प ६०१ नम्बरको मोटरसाइकल ठोक्किदा उनी घाइते भएका थिए ।
ठोक्किएर गम्भीर घाइते भएका बाल्मिकीको नेपालगन्ज मेडिकल कलेज शिक्षण अस्पतालमा उपचारका क्रममा मृत्यु भएको प्रहरीले जनाएको छ ।
प्रहरीले सडकमा ट्र्याक्टर रोकेर राख्ने चालकलाई नियन्त्रणमा लिएर अनुसन्धान गरिरहेको जनाएको छ ।
प्रतिक्रिया