बुटवल । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेस बुद्ध जन्मस्थल लुम्बिनी आइपुगेका छन् । पूर्वनिर्धारित समयभन्दा २ घन्टा ढिलो गरी मंगलबार बिहान उनी बुद्ध जन्मस्थल लुम्बिनी आइपुगेका हुन् ।
पोखरा हुँदै लुम्बिनी पुगेका महासचिव गुटेरेसलाई प्रधानमन्त्री प्रचण्डले स्वागत गरे । प्रधानमन्त्री प्रचण्ड महासचिव गुटेरेसको स्वागतका लागि आज बिहानै लुम्बिनी पुगेका थिए ।
लुम्बिनी भ्रमणले लुम्बिनी र गौतमबुद्धको शान्तिको सन्देश विश्वभर थप प्रचारप्रसार हुने अपेक्षा गरिएको छ ।
्उनले मायादेवी मन्दिर, बुद्धजन्म स्मारक, पुष्पकरणी पोखरी, अशोक स्तम्भहरुको निरीक्षण गर्नेछन् ।
प्रतिक्रिया