काठमाडौं । जाजरकोट भूकम्पका पीडितहरुलाई उत्तरी छिमेकी मित्रराष्ट्र चीनले १० करोड रुपैयाँ बराबरको राहत सामग्री सहयोग गर्ने भएको छ ।
नेपालस्थित चिनियाँ राजदूत चेन सोङले १०० मिलियन मूल्य बराबरको पाल र ब्ल्यांकेट लगायतका सामग्री उपलब्ध गराउने घोषणा गरेका हुन् ।
भूकम्पपछिको अवस्थालाई ख्याल गर्दै पहिलो चरणको आपतकालीन सहायताको रुपमा प्रदान गरिने यी सामाग्री एक दुई दिनमा आइपुग्ने उनले जनाएका छन् । उक्त सहयोग साउथ एसियन कन्ट्रीज इमरर्जेन्सी सप्लाइज रिजर्भबाट दिन लागिएको जनाइएको छ ।
राजदूत सोङले ‘थप सहायता सामग्रीहरू पनि बाटोमा आउँदै गरेको उल्लेख गरेका छन् ।
प्रतिक्रिया