ओमान विरुद्ध गुल्सन झाको विस्फोटक अर्धशतक

काठमाडौं । ओमान विरुद्ध टी २० विश्वकप छनोट खेलको उपाधिका लागि भिडिरहेको नेपालका गुल्सन झा ले विस्फोटक ब्याटिङ गर्दै अर्धशतक पुरा गरेका छन् ।

झा ले २० बलमा ४ छक्का र ५ चौका प्हार गर्दै अर्धशतक पुरा गरेका हुन् । जारी टी-२० प्रतियोगितामा यो नै गुल्शनको पहिलो अर्धशतक हो ।

कीर्तिपुरस्थित त्रिभुवन विश्वविद्यालयको अन्तर्राष्ट्रिय क्रिकेट मैदानमा अहिले भइरहेको खेलमा झाले २५ बलमा ४ छक्का र ५ चौकाको मद्दतमा ५४ रन बनाएर बिलाल खानको बलमा आउट भए । झाले कप्तान रोहितकुमार पौडेलसँग ७८ रनको साझेदारी गरे ।

टस जिटेर पहिले ब्याटिङ गरको नेपालको सुरुवाती चार विकेट एकपछि अर्को गर्दै पतन भैरहेको अवस्थामा झाको विस्फोटक ब्याटिङले रन पनि राम्रो गरी बढेको छ ।