नेपालगन्ज । जाजरकोट केन्द्रबिन्दु बनाएर गएको भूकम्पबाट घाइते भएकाहरुको उपचारमा २४ सै घण्टा खटिएका एक चिकित्सकले आफ्नो एक महिनाको तलव भूकम्प पीडितहरुलाई दिने घोषणा गरेका छन् । भूकम्पबाट ठुलो जनधनको क्षेति भएको खबर पाएदेखि नै घाइतेको उपचार र त्यसको ब्यवस्थापनमा सक्रिय भेरी अस्पतालका बरिष्ठ फिजिसीयन डा. राजन पाण्डेले आफ्नो एक महिनाको तलव भूकम्प पीडितलाई दिने घोषणा गरेका हुन् ।
उनले सामाजिक सञ्जाल मार्फत आफुले पाएने एक महिनाको तलव बापतको ६६ हजार रुपैयाँ सरकारी च्यानल मार्फत सहयोग गर्ने घोषणा गरेका छन् । उनले निसासिएको अवस्थामा अक्सिजन, तिर्खाएको मानिसलाई पानी, भोकाएको अबस्थामा दुई गास खाना, जाडोले काँपिरहेको मानिसलाई कम्वल, बेसहारालाइ प्यारको ढाडसभन्दा माथि कुनै चिकित्सा, पार्टी, वाद वा धर्म नभएको उल्लेख गरेका छन् । उनले दुई दशक लामो चिकित्सा अनुभवमा सिकेको पाठ पति त्यही भएको बताएका छन् ।
‘निसासिएको अबस्थामा अक्सिजन, तिर्खाएको मानिसलाई पानी, भोकाएको अवस्थामा दुई गास खाना, जाडोले काँपिरहेको मानिसलाई कम्वल, बेसहारालाइ प्यारको ढाडसभन्दा माथि न कुनै चिकित्सा,पार्टी, वाद वा धर्म छ,’ डा.पाण्डेले लेखेका छन्, ‘दुई दशक लामो चिकित्सा अनुभवमा मैले सिकेको पाठ यहि हो । यहि अनुभवबाट प्रेरित भएर हालैको भुकम्प पीडितहरुको सहयोगमा मेरो ब्यक्तिगत तर्फबाट मेरो एक महिनाको तलब बराबर रु६६,००० (छैंसठि हजार) नेपाल सरकारको सरकारी च्यानल मार्फत सहयोग गर्ने घोषणा गर्दछु।’
उनी भूकम्पबाट घाइते भएका घाइतेको उपचार तथा ब्यवस्थापनमा सुरुदेखि सक्रियरुपमा लागिरहेका छन् ।
प्रतिक्रिया