काठमाडौं । सुन तस्करी प्रकरणको छानबिनका लागि सरकारले गठन गरेको उच्चस्तरीय समितिले प्रकरणका आरोपी राहुल महरालाई बयानका लागि बोलाएको छ ।
विद्युतीय चुरोट भेपमा लुकाएर गरिएको ९ किलो सुन तस्करी प्रकरणमा मुछिएका महरालाई उच्चस्तरीय समितिले बयान लिन बोलाएको हो ।
पूर्वसभामुख कृष्णबहादुर महराका कान्छा छोरा राहुल अहिले पुर्पक्षका लागि थुनामा छन् ।
छानबिन समितिले उनलाई बयान दिन उपस्थित गराइदिन मंगलबार सुन्धरास्थित केन्द्रीय कारागारलाई पत्राचार गरेको थियो । आज कारागार प्रशासनले उनलाई सिंहदरबारस्थित उच्चस्तरीय छानबिन समितिको कार्यालयमा उपस्थित गराउन लागेको छ । राहुलसँगै तस्करीमा संलग्न भनिएका अन्य प्रतिवादीहरूको पनि बयान लिने काम भइरहेको छ।
राहुललाई प्रहरीको केन्द्रीय अनुसन्धान ब्युरोले भदौ १३ गते पक्राउ गरेको थियो।
प्रतिक्रिया