काठमाडौं । बक्स अफिस कलेक्सनमा पाँच सय करोड बलिउड फिल्म सर्वाधिक सफल मानिन्छन् । अहिलेसम्म बलिउडका चार फिल्म मात्रै ‘पाँच सय करोड क्लब’ प्रवेश गरेका छन् ।
बलिउडका किङ खान शाहरुखका दुई फिल्मलाई ‘पाँच सय करोड क्लब’ को सफल मिलेको छ । बलिउडका ‘स्टार’ उनै मात्र हुन् जसको दुई फिल्मले यो सफलता हात परेको छ । यसै वर्ष प्रदर्शनमा आएका ‘पठान’ र ‘जवान’ले यो रेकर्ड राखेका हुन् ।
त्यस्तै, ‘पाँच सय करोड क्लब’मा सन्नी देवलको गदर-२ ले पनि स्थान पाएको छ । सबैभन्दा यो आँकडा पार गर्ने फिल्म प्रभासको बहुबली-२ हो ।
‘पाँच सय करोड क्लब’मा पनि शाहरुखकै राज
शाहरुखको जवान सबैभन्दा कम १३ दिनमा ‘पाँच सय करोड क्लब’मा प्रवेश गर्ने फिल्म हो । दोस्रो कम समयमा यो सफलता हात पार्ने फिल्म पनि शाहरुखकै पठान हो । बक्स अफिसमा यो सफलतामा पनि शाहरुखकै राज भएको पाइन्छ ।
त्यस्तै, गदर-२ ले २४ दिनमा यो आँकडा पार गरेको थियो । प्रभासको बहुबलीले यो सफलता हात पार्न ३४ दिन लगायो ।
कुन हिरोइनले पाए यो सफलता ?
अनुष्का शेट्टी बहुबली-२ की हिरोइन हुन् । फिल्ममा प्रभासको जोडीको भूमिकामा देखिएकी थिइन् । उनले पनि यो सफलताको महसुस गर्न पाएकी छिन् ।
त्यस्तै, पठानकी नायिका दीपिका पादुकोणले यो सफलता हात पारेकी छिन् । अमिसा पटेल गदर-२ बाट यो सफलताको हिस्सा लिन सफल भएकी छिन् । जवानकी नायिका नायन्थाराले यो सफलतामा स्थान बनाएकी छिन् ।
प्रतिक्रिया