बुटवल । रुपन्देही प्रहरीले भन्सार छलेर नेपाल भित्राइएको ठुलो परिमाणमा चिनी बरामद गरेको छ । ईलाका प्रहरी कार्यालय बेथरीबाट खटिएको प्रहरी टोलीले मायादेवी गाउँपालिका वडा नं ५ पर्सहवाबाट ५६ बोरा चिनी बरामद गरेको हो ।
चिनी बोक्न प्रयोग भएको लु २ च २४ नम्बरको बोलेरो पिकअपमा चिनी नेपाल ल्याउँदै गरेको अवस्थामा बुटवल उप(महानगरपालिका २ का चालक ईश्वर
भुसाल र गाडीमा सवार बुटवल १३ का अर्जुन कुँवरलाई नियन्त्रणमा लिइएको प्रहरीले जनाएको छ ।
प्रहरीले भन्सार छली चोरी पैठारी गरी ल्याउदै गरेको अवस्थामा चिनी ५६ बोरा तथा गाडीको अन्दाजी मूल्य सहित ११ लाख ८२ हजार मुल्याङ्कन गरि सवारी तथा पक्राउ परेका २ जनालाई भैरहवा भन्सार कार्यालय बेलहिया पठाएको छ ।
प्रतिक्रिया