१४ किलो सुन छानबिन गर्न समिति गठन

काठमाडौं । त्रिभुवन अन्तराष्ट्रिय विमानस्थलबाट गए राति बरामद भएको १४ किलो सुनबारे छानबिन गर्न समिति बनेको छ ।

विमानस्थलस्थित भन्सार कार्यालयले सुनबारे छानबिन गर्न भन्सार अधिकृत मणिराम पौडेलको संयोजकत्वमा समिति बनाएको हा । समितिमा समितिमा प्रहरी नायव उपरीक्षक सूर्यप्रकाश सुवेदी, भन्सार अधिकृत प्रकाश निरौला, डिल्लीप्रसाद शर्मा र शाखा अधिकृत मञ्जु थापा छन् । यो समितिलाई ५ दिनको कार्यादेश दिइएको छ।

राति ११:४० बजे फ्लाई दुबईको उडान नं. FZ 573 बाट आएका राहदानी नं. पीए ०१४५४८८ भएका गोरखाका चन्द्र घले १४ किलो सुनसहित पक्राउ गरेका थिए । घलेको साथबाट बरामद गरिएको सुन परीक्षणका लागि भन्सार विभाग पठाइएको छ । घलेसँगै गोरखाका मीनबहादुर घले पनि पक्राउ परेका छन् ।