एभर्टनसँग चेल्सी २-० ले पराजित

काठमाडौं । इंग्लिस प्रिमियर लिग अन्तर्गत एभर्टनले चेल्सीलाई पराजित गरेको छ । गएराती सम्पन्न खेलमा एभर्टनले चेल्सीलाई २-० गोल अन्तरले पराजित गरेको हो ।

एभर्टनको जितमा एडबोउलाए डोउकोउरे र लेविस डोबिनले एक एक गोल गरेका थिए ।

यो जितपछि एभर्टनको १६ खेलमा १३ अंक भएको छ र लिगमा १७ औ स्थानमा छ । यस सिजनमा एभर्टनमाथि १० अंकको कारवाही भएका कारण अंकतालिकामा पछाडी रहेको छ ।

त्यस्तै चेल्सीको भने यस सिजनमा यो सातौं हार हो । १६ खेलमा १९ अंक रहेको चेल्सी १२औ स्थानमा रहेको छ ।