काठमाडौं । नक्कली भुटानी शरणार्थी प्रकरणमा जेलमा रहेका पूर्वगृहमन्त्री बालकृष्ण खाँण ३० लाख धरौटी तिरेर रिहा भएका छन् ।
पाटन उच्च अदालतले बिहीबार खाँणलाई ३० लाख धरौटीमा रिहा गर्न आदेश दिएको थियो ।
खाँणले आज काठमाडौं जिल्ला अदालत पुगेर धरौटी वापतको रकम अनुसारको बैंक ग्यारेन्टी पेश गरेपछि रिहा भएका हुन् । उनी केन्द्रीय कारागार जगन्नाथदेवलमा रहेका थिए ।
खाँण जेलबाट रिहा भएलगत्तै कारागार प्रशासनले सम्पत्ति शुद्धीकरण अनुसन्धान विभाग र अख्तियार दुरुपयोग अनुसन्धान आयोगमा उपस्थित गराउनेछ । त्यसपछि मात्र उनी पुरै रिहा हुनेछन् ।
मंसिर १५ गते उच्च अदालत पाटनका न्यायाधीशहरू जनक पाण्डे र प्रकाश खरेलबीच राय बाझिँएपछि हिजो तेस्रो न्यायाधीश कृष्णराम कोइरालाको इजलासले रिहा गर्ने निर्णय गरेको हो ।
प्रतिक्रिया