बुटवल । पाल्पामा टिप्पर दुर्घटना हुँदा एकजनाको ज्यान गएको छ । तीन जना घाइते भएका छन् । घाइते मध्य २ जनाको अवस्था गम्भीर भएको प्रहरीले जनाएको छ ।
दुर्घटनामा परि मृत्यु हुनेमा रिब्दीकोट ३ का अन्दाजी ३० वर्षीय विष्णु ढकाल रहेकाछन् भने दाङ घोराही उपमहानगरपालिका १२ का इमराज पुन र रोल्पा त्रिवेणी ५ का हिमाल घर्ती गम्भीर घाइते भएकाछन् । टिप्पर चालक दाङ घारोही १६ का अजय चौधरी भने सकुशल रहेको प्रहरीले जनाएको छ ।
प्रहरीका अनुसार गुल्मी पाल्पा सडक खण्डमा गुल्मीबाट पाल्पा तर्फ आउँदै गरेको रा १ ख २४०४ नम्बरको टिप्पर पाल्पाको लघुवामा सडकमा ब्याक हुन गई सडकबाट १५० मिटर तल खसेको थियो । घटनास्थलबाट उद्दार गरि घाइतेहरुलाई युनाइटेड अस्पताल पुर्याइएकोमा चिकित्सकले ढकाललाई मृत घोषणा गरेको पाल्पा प्रहरी प्रवक्ता डीएसपी सुगन्ध श्रेष्ठले बताए ।
घाइतेहरुको मिशन अस्पतालमा उपचार जारी रहेको र टिप्पर तथा चालक प्रहरी नियन्त्रणमा रहेको प्रहरीले जनाएको छ ।
प्रतिक्रिया