१४ फाल्गुन २०८०, सोमबार | February 26, 2024

कृषि प्याभिलियनले आकर्षण दिएको लुम्बिनी एक्स्पो



बुटवल । बुटवलमा जारी लुम्बिनी एक्स्पोका कतिपय प्याभिलियनहरुले हाटबजारको झल्को दिएपनि कृषि प्याभिलियन भने एक्स्पोमा आउने दर्शकहरुका लागि अध्ययन गर्ने थलो बनेको छ । कतिपय स्टलहरुमा हाटबजारकै शैलीमा मोलमोलाई र सेलका सामाग्रीको बेचखिन चलिरहँदा कृषिका स्टलहरुमा भने लुम्बिनी प्रदेशका १२ वटै जिल्लामा उत्पादन हुने कृषि उपजका बिउ, उत्पादन बिधि र त्यसको महत्वका विषयमा अवलोकनकर्ताहरुले चासो दिने गरेका छन् ।

बिक्रीकै हिसावले पनि कृषिका स्टलहरुमा पहाड र उच्च पहाडका उत्पादन किन्नेहरुको भिड देखिएको छ । रोल्पाको एक सहकारीले राखेको कृषिको स्टलमा अवलोकनकर्ताको सामान किन्ने र जिज्ञासा राख्नेको भीड निरन्तर देख्न सकिन्छ । सहकारीकर्मी हिरा घले एक्लै स्टलमा बसेर रोल्पाका उत्पादनका विषयमा ब्याख्या गर्ने र बेच्ने गरिरहेकी छन् । आफ्नो स्टलमा उपभोक्ताको चासो धेरै नै रहेको घलेले बताइन् । उनले रोल्पाको दलहन, भाङ्गो, टिमुर, अल्लोको टोपी, कपडा, सुन्तला स्टलमा राखेकी छन् । भुटेको मकै समेत स्टलमा राखेकी हिराले मकै र टिमुरमा ग्राहकको चासो बढी रहेको बताइन् ।

बाँकेको स्टलमा कम सिंचाई रहेको जग्गामा बढी उत्पादन हुने राधा-४ धानको बिउ प्रदर्शन गरिएको छ । नरैनापुरका किसान जगन्नाथ अहिरले ग्राहकले खोजे राधा-४ धानको बिउ आफुहरुले उपलब्ध गराउन सक्ने बताउँछन् । बाँकेको स्टलमा टाढैबाट बसाउने कालानमक नामको चामल पनि राखिएको छ । पश्चिम नेपालमा प्रसिद्ध कालानमक चामलको माग गर्न आउने दर्शक बढी भएको उनले बताए ।

कृषि पोभिलियनमा नै रुकुमको राडी, भाङ्गोको तेल, तिमुर, गेडागुडी उपलब्ध छन् । उच्च पहाडी जिल्लाका रुपमा रहेको लुम्बिनी प्रदेशको रुकुम पश्चिमका किसान हरिबहादुर बुढामगरलाई भाङ्गोको तेलको बारेमा ब्याख्या गर्न भ्याईनभ्याई छ । ढाडको दुखाई, घुँडाको दुखाई, चिसो लागेको, रुघा खोकीमा सेकाई गर्दा निको हुने बुढाले बताउँछन् । उनको स्टलमा रुकुममा उत्पादन भएको गेडागुडी, टिमुर, भाङ्गो जस्ता कृषि उत्पादन रहेका छन् ।

रुकुमकै राडीपाखी पनि दर्शकको चासोको स्टलकारुपमा रहेको छ । प्रत्येक्ष उनकाढेर राडीको कच्चा पदार्थ बनाउँदै गरेकी रुकुमकी कुमारी बुढामगरले आफैले पालेको भेडाको उनबाट राडी बुन्ने गरेको बताउँछिन् । एउटा राडी तयार गर्न साढे २ केजी उन चाहिने उनले बताइन् । जाडोको सिजन सुरु भएकाले राडी किन्ने ग्राहक पनि उनले पहिलो दिनबाटै पाएकी छन् ।

रुपन्देहीका मह उत्पादक ध्रुव ज्ञवालीलाई बजारमा पाइने नक्कली महले पिरोलेको छ । उपभोक्ताले महको गुणस्तरियता थाहा नपाउँदा बजारमा आकर्षक डिजाइन गरिएका नक्कली महमा ग्राहकहरु झुक्कीने गरेको ज्ञवाली बताउँछन् ।

गुल्मी सत्यवती-६ ज्वाङका किसान शिवलाल गौतम त स्टलमा हल गोरु सहित उपस्थित भएका छन् । उनले मेला महोत्सवले नै आफ्नो इज्जत राखेको बताउँदै सरकारको गलत नितकिा कारण खुदो र गुँडको बजारिकरण हुन नसकेको बताए । किसानले बारीमा उत्पादन गर्ने खुदो र गुँडमा अन्तशुल्क र मूल्य अभिबृद्दी कर लगाइदिएपछि त्यसको बजारिकण हुन नसकेको गौतमको ठहर छ ।

हसपट फुड प्रोडक्सनको नामबाट बजारमा आएको गौतमको उत्पादनमा कोदोको पिठो, फापर, मकैको पोला , मकैको फुला, चुक, मकैको सेतोररातो आँटो, गुँड, खुदो रहेका छन् । उनको हलगोरु सहितको स्टल देखेपछि एक्स्पोको उदघाटन गर्न आएका एमाले उपाध्यक्ष विष्णु पौडेलले केही बेर गारु धपाएर रमाइलो गरेका थिए ।

प्रदेश सरकारको कृषि विकास निर्देशनालयको संयोजनमा राखिएको कृषि पेभिलियनमा कृषकहरुलाई निर्देशनालयको लगानीमा निशुल्क स्टल उपलब्ध गराइएको निर्देशनालयकी अधिकृत आशा भण्डारीले बताइन् । उनले १२ वटै जिल्लाबाट फरक फरक उत्पादन सहित कृषि समुह र सहकारी तथा कृषि ज्ञानकेन्द्रबाट एक्स्पोमा सहभागीता जनाएको अधिकृत भण्डारीले बताइन् ।

प्रकाशित मिति : ७ पुस २०८०, शनिबार  ६ : ५६ बजे

‘ए’ ग्रेडका क्रिकेट खेलाडीले मासिक एक लाख रुपैयाँ तलब पाउने

काठमाडौं । नेपाल क्रिकेट सङ्घ (क्यान) ले ‘ए’ ग्रेड मा

४२ औं मगर दिवसमा बुटवल र तिलोत्तमाले दियो सार्वजनिक बिदा

बुटवल । रुपन्देहीको बुटवल उपमहानगरपालिका र तिलोत्तमा नगरपालिकाले मगर दिवसको

१३ अङ्कले बढ्यो नेप्से परिसूचक

काठमाडौं । धितोपत्र बजारमा शेयर कारोबार मापक नेप्से परिसूचक उकालो

गगन थापाले भने – आयोगले पोलेको, सहकारी ठग्ने र दुईचारथान नागरिकता राख्नेलाई घर पठाएर अनुसन्धान गर्न लगाऔँ

काठमाडौं। सत्तारुढ कांग्रेसका महामन्त्री तथा सांसद गगनकुमार थापाले आरोपप्रत्यारोको शृङ्खलाले

सडकमा फोहर फाल्ने माथि नेपालगन्ज उपमहानगरको दण्ड, मेयर आफै जरिवाना काट्न सडकमा

नेपालगन्ज । नेपालगन्ज उपमहानगरपालिकाका सडकमा जथाभावी फोहोर फाल्नेमाथि कारवाही गर्न