नेपालगन्ज । बाघले आक्रमणमा परि बर्दियामा एक बालकको मृत्यु भएको छ । बारबर्दिया नगरपालिका-४ का १२ वर्षीय सुमित थारुको शनिबार दिउँसो बाघको आक्रमणमा परि मृत्यु भएको हो ।
बारबर्दिया नगरपालिका वडा नम्बर ४ जिरा सामुदायिक वनमा बाघले बालकमाथि आक्रमण गरेको डिभिजन वन कार्यालय बर्दियाले जनाएको छ । डिभिजन वन कार्यालय बर्दियाका प्रमुख प्रविण बिडारीका अनुसार मृतक बालक बबई नदीमा नुहाउन गएको बेला आक्रमणमा परेको बुझिएको छ ।
गम्भीर घाइते बालकको आरसी मेमोरियल अस्पताल जयनगरमा उपचारका क्रममा दिउँसो साढे १ बजेतिर मृत्यु भएको प्रहरीले जनाएको छ ।
प्रतिक्रिया