माघीको अवसरमा लुम्बिनी प्रदेश प्रमुख र मुख्यमन्त्रीको शुभकामना

नेपालगन्ज । माघी पर्व तथा मकर संक्रान्ति एबम् थारु समुदायको नयाँ वर्षको अवसरमा लुम्बिनी प्रदेशका प्रदेश प्रमुख अमिक शेरचन र मुख्यमन्त्री डिल्लीबहादुर चैेधरीले छुट्टाछुट्टै शुभकामना ब्यक्त गरेका छन् ।

प्रदेश प्रमुख शेरचनले नेपालमा बिभिन्न समुदायले माघे संक्रान्तिलाई आ(आफ्नो परम्परा अनुसार मनाउँदै आएको उल्लेख गर्दै थारु समुदायले नयाँ वर्षकोरुपमा मनाउने गरेको जनाएका छन् । उनले मगर समुदायले तीरमा निशाना लगाउने चलाउने, कृषि बालीमा पुजा गर्ने पर्वकारुपमा मनाउँदै आएको समरण गरेका छन् । माघी पर्वले सांस्कृतिक, सामाजिक, पर्यावरण तथा सदभावपूर्ण एकताको माध्यमबाट राष्ट्रिय एकतामा बाँधिन सहयोग पुर्याएको प्रदेश प्रमुखले उल्लेख गरेका छन् ।

मुख्यमन्त्री चौधरीले नेपाल बहुजातीय, बहुभाषिक, बहुसास्कृक्तिक देश भएको उल्लेख गर्दै यहाँ विभिन्न जातजाती, भाषाभाषी, धर्म सस्कृति, रीतिरिवाज, रहनसहन आ(आफ्नै रहेको जनाएका छन् । उनले माघी पर्व तथा मकर (माघे) संक्रान्तिलाई हिमाल, पहाड र तराईमा वसोवास गर्ने नागरिकले आआफ्ना परम्परागत विशेषता र प्रकृति अनुसार मनाउने गरेको जनाउँदै सांस्कृतिक विविधतायुक्त समाजमा यो पर्वले पारिवारिक मिलन, बन्धुत्व, एकता, स‌द्भाव र सहिष्णुता बढाउदै आएको बताएका छन् । ‘चाडपर्व र संस्कृक्तिहरुको संरक्षण तथा सम्बद्धन गर्दै पर्वलाई हर्ष, खुशी र मनोरञ्जनपूर्ण बनाउँदै वन्धुत्व, एकता र स‌द्भाव वढाउन सकोस् ।’ उनले शुभकामना बक्तब्यमा लेखेका छन् ।