नेपालगन्ज । लगातारको शितलहर र अत्याधिक चिसो बढेपछि नेपालगन्ज उपमहानगर अन्तर्गतका विद्यालयहरुलाई ३ दिन बिदा दिइएको छ । उपमहानगरको शिक्षा, युवा तथा खेलकुद महाशाखाले आज सूचना जारी गर्दै ४ गते देखि ६ गते सम्मका लागि विदाको सूचना जारी गरेको छ ।
सूचनामा अत्याधिक जाडोसँगै शितलहर बढेर विद्यालय संचालन गर्न कठिनाई परेको उल्लेख गरिएको छ । सूचनामा उपमहानगर अन्तर्गत सामुदायिक, संस्थागत र धार्मिक विद्यालयहरुलाई विदा हुने उल्लेख छ ।
नेपालगन्ज र यस आसपासमा केहीदिन देखि चलेको शितलहरले अत्याधिक चिसो बढेपछि जनजिवन प्रभावित बनेको छ । नगरबासीका लागि आगो ताप्न भन्दै नेपालगन्ज उपमहानगरले चोक चोकमा मुढा जलाएर धुनी जगाएको छ भने दैनीक ज्यालादारी श्रमिकहरुलाई चिसो कै कारण समस्यामा परेका छन् ।
प्रतिक्रिया