बुटवल । बुटवल प्रहरीले भारतबाट बुटवल तर्फ ल्याइँदै गरेको ६ सय केजी प्रतिबन्धित मरेको माछा बरामद गरेको छ । इलाका प्रहरी कार्यालय बुटवलको टोलीले भन्सार छलेर बुटवल तर्फ ल्याउँदै गरेको उक्त परिमाणको प्रतिबन्धित मरेको माछा बरामद गरेको हो ।
प्रहरीका अनुसार आज दिउँसो १ बजेको समयमा बुटवल ११ योगिकुटीचोकमा बेलहियाबाट बुटवल तर्फ आउँदै गरेको बस खानतलासीका क्रममा बैखी जातको प्रतिबन्धित माछा बरामद भएको हो ।
भन्सार छली चोरी निकासी गरी अवैध बैखि जातका माछा ओसार पोसार भई रहेको सूचनाको आधारमा भैरहवाबाट बुटवलतर्फ आउदै गरेको माइक्रो बस चेकजाँच गर्दा बसको पछाडि डिक्कीमा लुकाई छिपाई राखेका प्लाष्टिकको ८ वटा बोरामा ६ सय केजी प्रतिबन्धित बैखि जातका मरेका माछा फेला परेको बुटवल प्रहरी प्रमुख विजयराज पण्डितले बताए ।
बरामद भएको माछालाई स्थानीय प्रतिनिधिको रोहवरमा इलाका प्रहरी कार्यालयको कम्पाउण्ड भित्र खाडल खनी नष्ट गरी गरिएको प्रहरीले जनाएको छ ।
प्रतिक्रिया