काठमाडौं । नेपालीहरुले भारत भ्रमणमा जाँदा सजिलै भारतीय सिमकार्ड पाउने भएका छन् । नेपाल सरकारले जारी गरेको नागरिकताको प्रमाणपत्र वा राहदानीको प्रतिलिपीका आधारमा नेपालीहरुले भारतीय सिमकार्ड पाउने भएका हुन् ।
भारतका लागि नेपाली राजदूत डा. शंकरप्रसाद शर्माले सामाजिक सन्जाल मार्फत् नेपाली कागजातबाट सिमकार्ड सहजरुपमा पाउन सकिने जानकारी गराएका छन् । उनका अनुसार अब नेपाली नागरिकहरुले आफ्नो राहदानी, नागरिकताको प्रमाणपत्र, मतदाता परिचय पत्र वा दूतावासले जारी गरेको परिचय पत्रको आधारमा भारतको सीमकार्ड लिन सक्ने छन् ।
‘यसअघि प्राविधिक कारणले नेपालीलाई भारतीय सीमकार्ड दिन अस्वीकार गरिएको थियो । जुका कारण भारत भ्रमणमा जाँदा कुनै भारतीय नागरिकको नाममा रहेको सिमकार्ड प्रयोग गर्न नेपालीहरु बाध्य हुने गरेका थिए । हाम्रो अनुरोधपछि भारतको विदेश मन्त्रालय र सञ्चार मन्त्रालयले स्वीकार गरेको छ,’ डा. शर्माले सञ्जालमामा लेखेका छन् ।
Great news! Nepali nationals can now obtain a SIM card on the basis of their passport, Citizenship Certificate, voter’s ID, or ID issued by the Embassy. Citizens of🇳🇵were denied a SIM card earlier due to technical reasons.
Our request was processed quickly by MEA and the MoC, 🇮🇳 pic.twitter.com/ohPLyApIv1
— Dr. Shankar P Sharma (@DrShankarSharma) February 20, 2024
प्रतिक्रिया