काठमाडौं । नेकपा माओवादीले आफ्नो तर्फबाट मन्त्रीहरुको टुंगो लगाएको छ ।
माओवादीबाट प्रधानमन्त्री बाहेक पाँच मन्त्रालय पाउने सहमति भएअनुसार अर्थमन्त्रालयको नेतृत्व वर्षमान पुनले गर्ने भएका छन् । पुन प्रधानमन्त्री प्रचण्डका विश्वासपात्र हुन् । पुन यसअघि पनि अर्थमन्त्री बनिसकेका छन् ।
यस्तै, निवर्तमान उपप्रधान तथा गृहमन्त्री नारायणकाजी श्रेष्ठ उपप्रधान तथा परराष्ट्रमन्त्री बन्नेभएका छन् । श्रेष्ठले परराष्ट्र मन्त्रालयको जिम्मेवारी समेत सम्हालिसकेका छन् ।
यस्तै अन्य मन्त्रीमा यसअघिकै जिम्मेवारीसहित शक्ति वस्नेत र रेखा शर्मा दोहोरिन लागेका छन् । यसअघि सपथ लिएका हितबहादुर तामाङ पर्यटनमन्त्री बन्ने भएका छन् ।
प्रतिक्रिया