प्रधानमन्त्रीलाई विश्वासको मत नदिन कांग्रेसको ह्वीप

काठमाडौं । प्रमुख प्रतिपक्षी नेपाली कांग्रेसले प्रधानमन्त्री पुष्पकमल दाहाल ुप्रचण्डु लाई विश्वासको मत नदिन आफ्ना सांसदहरूलाई ह्वीप जारी गरेको छ ।

कांग्रेस संसदीय दलका प्रमुख सचेतक रमेश लेखकले सोमबार ह्वीप जारी गर्दै प्रधानमन्त्रीलाई विश्वासको मत नदिन पार्टीका सांसदहरुलाई निर्देशन दिएका हुन् ।

प्रधानमन्त्री प्रचण्डले यही बुधबार फागुन ३० गते संसदमा विश्वासको मत लिन लागेका छन् ।

कांग्रेसले सो दिन प्रतिनिधिसभा बैठकमा अनिवार्य उपस्थित हुन र विश्वासको मतको विपक्षमा मतदान गर्न सांसदहरुलाई भनेको छ ।

उक्त दिन अनिवार्य उपस्थित हुन र विश्वासको मतको विपक्षमा मतदान गर्न कांग्रेसले ह्विप जारी गरेको हो ।

आफुसँगको गठबन्धन अनेपेक्षित तोडेर एमालेसँग नयाँ गठबन्धन बनाएर मन्त्रिपरिषद पुनर्गठन गरेपछि कांग्रेसले प्रधानमन्त्रीले राजनीतिक बेइमानी गरेको निस्कर्ष निकालेको थियो । प्रधानमन्त्री प्रचण्डले गत फागुन २१ गते कांग्रेससँग सहकार्य तोड्दै नयाँ समीकरण बनाएका थिए ।