काठमाडौं । पाकिस्तानको ८४औँ राष्ट्रिय दिवसको अवसरमा काठमाडौंस्थित पाकिस्तानी राजदूतावासले झण्डोत्तोलन कार्यक्रम आयोजना गरेको छ ।
नेपालका लागि पाकिस्तानी राजदूत अबरार एच हाश्मीले दूतावासमा आयोजित एक कार्यक्रममा सो देशको राष्ट्रिय झण्डा फहराएका छन् । त्यसअवसरमा पाकिस्तानका राष्ट्रपति, प्रधानमन्त्री र विदेशमन्त्रीले दिएको सन्देश पढेर सुनाइएको थियो ।
आफ्नो सन्देशमा, पाकिस्तानका राष्ट्रपति आसिफ अली जर्दारीले मुस्लिमहरूको लागि स्वतन्त्र राज्य प्राप्त गर्नका लागि कायद(ए(आजम मुहम्मद अली जिन्नाको दूरदर्शी नेतृत्व र पुर्खाहरूको बलिदानलाई स्मरण गरेका छन् । उनले विगतका उपलब्धिहरूमाथि प्रकाश पार्दै कास्मिर र प्यालेस्टिनी जनतामाथि भैरहेको क्रुरता अन्त्यको प्राथना समेत गरेका छन् ।
यस्तै, पाकिस्तानका प्रधानमन्त्री मोहम्मद शहबाज शरीफले ‘पाकिस्तान दिवस’ को अवसरमा स्वदेश तथा विदेशमा रहेका पाकिस्तानीहरूलाई शुभकामना दिएका छन्। उनले आफ्नो सन्देशहरूमा मुद्रास्फीति र आतंकवाद लगायतका बहुमुखी चुनौतिहरूलाई पार गर्दै पाकिस्तानलाई शान्ति, प्रगति र स्थायित्वको त्रिभुवन बनाउने राष्ट्रको संकल्प व्यक्त गरेका छन् ।
यसैगरी, विदेशमन्त्री मोहम्मद इशाक दारले पाकिस्तान राष्ट्रसंघको बडापत्र र अन्तर्राष्ट्रिय कानूनको सर्वोच्चताको पक्षमा उभिँदै आएका बताएका छन् ।
आफ्नो मन्तव्यमा राजदूत हाश्मीले सन् १९४० मा मुस्लिमहरूको दृढ संकल्प र संकल्प र पाकिस्तानलाई समृद्ध बनाउन संघर्षको निरन्तरताको स्मरण गरे। उनले नेपाल–पाकिस्तान सम्बन्धलाई थप मजबुत बनाउन दूतावासले गरिरहेको प्रयासका बारेमा प्रकाश पारे ।
समारोहमा नेपालस्थित पाकिस्तानी समुदाय, दूतावासका अधिकारी र उनीहरुका परिवारको उपस्थिति रहेको थियो ।
प्रतिक्रिया