बुटवल । बुटवलको मिलनचोक तिनकुनेमा चक्कु प्रहारबाट एकजना युवा गम्भीर घाइते भएका छन् ।
स्थानीय युवाहरुबीच भएको झगडामा चक्कु प्रहारबाट बुटवल उपमहानगर ३ का सागर थापा गम्भीर घाइते भएका छन् । उनको दायाँ कोखामा चक्कु प्रहार भएको प्रहरीले जनाएको छ ।
प्रहरीका अनुसार घटना लगत्तै थापालाई उद्दार गरी लुम्बिनी प्रादेशिक अस्पताल पुर्याइएको छ । चक्कु प्रहार गर्ने २ जनालाई प्रहरीले पक्राउ गरेको छ । पक्राउपर्नेमा बुटवल उपमहानगरपालिका वडा नम्बर ३ का सुजन गलामी र युवराज पुन रहेका छन् ।
पक्राउ परेका दुईजनामाथि अनुसन्धान सुरु गरिएको र घटनाको कारण बारे उनीहरुको बयानपछि मात्र थाहा हुने इलाका प्रहरी कार्यालय बुटवलका प्रमुख डीएसपी विजयराज पण्डीतले बताए ।
प्रतिक्रिया