सुर्खेत । नयाँ सत्ता समिकरणको निर्णय विपरित अडान लिँदै आएका कर्णाली प्रदेशका मुख्यमन्त्री राजकुमार शर्माले अन्ततः राजीनामा दिएका छन् । कर्णाली प्रदेशको सरकारको नेतृत्व एमालेलाई दिने नयाँ समिकरणको निर्णय विपरित प्रदेशसभाबाट विश्वासको मत लिने तयारीमा जुटेका मुख्यमन्त्री शर्माले अन्तिममा आएर राजीनामा दिएका हुन् ।
बुधबार प्रदेशसभालाई सम्बोधन गर्दै मुख्यमन्त्री शर्माले राजीनामाको घोषणा गरे । राजीनामा घोषणा गर्नुअघि उनले संसदमा आफू नेतृत्वको सरकारले गरेको कामकारबाहीको फेहरिस्त प्रस्तुत गरेका थिए ।
आज उनले विश्वासको मत लिने कार्यसूची भएपनि उनले विश्वासको मत नलिएर राजीनामा दिएका हुन् ।
केन्द्रको नयाँ सत्ता समीकरण दलहरुमा भएको सहमति अनुसार कर्णाली प्रदेशको नेतृत्व एमालेले पाउने भएको छ ।
प्रतिक्रिया