बुटवल । स्याङजा जिल्लामा पुख्र्यौली घर भई रुपन्देहीमा बसोबास गर्दै आएका पत्रकारहरुको भेलाले स्याङजा पत्रकार समाज रुपन्देही गठन गरेको छ । रुपन्देहीमा रहेर क्रियाशिल पत्रकारीता गर्दै आएका पत्रकारहरुको आज बुटवलमा भएको भेलाले स्याङजा पत्रकार समाज रुपन्देही गठन गरेको हो ।
भेलाले वरिष्ठ पत्रकार डा. बालकृष्ण चापाईगाईको अध्यक्षतामा उपाध्यक्ष दिनेश पाण्डे र डिल्लीनारायण पाण्डे महासचिवमा प्रकाश डुम्रे, सचिवमा दिनेश कुमार श्रेष्ठ र कमला पाण्डे कोषाध्यक्षमा खिमानन्द पाठक रहेका छन् ।
त्यसैगरी सदस्यहरुमा शिव डुम्रे, कल्पना तिवारी, ललित पाण्डे, कपिल अधिकारी, सुदिप भण्डारी सदस्य रहेका छन् । समाजले यहि चैत ३० गते तिलोत्तमा नगरपालिकाको शंकरनगर बनबाटिकामा बृहद बनभोज आयोजना सहित बृहत भेला गर्ने समेत निर्णय गरेको समाजका अध्यक्ष बालकृष्ण चापागाईले बताए ।
उनले चैत ३० गते स्याङजाबाट रुपन्देही आएर पत्रकारीता पेशामा सम्लग्न सबै पत्रकारहरुलाई उक्त वनभोज कार्यक्रम सहितको भेलामा सहभागी हुन आव्हान गरेका छन् ।
स्याङजा पत्रकार समाज रुपन्देहीले आगामी दिनमा स्याङजा जिल्लाको पर्यटकीय, धार्मीक सांस्कृतिक क्षेत्रहरुको प्रचार प्रसार र प्रवद्र्धनमा सहयोग गर्ने तथा स्याङजा र रुपन्देही बिचको सम्बन्धलाई थप गतिशिल बनाई जोडने काममा भुमिका निर्वाह गर्ने चापागाईले बताए ।
प्रतिक्रिया