नेपालगन्ज । पत्रकारितालाई मुख्य पेशा बनाइरहेकी नेपालगन्जकी क्रियाशिल पत्रकार संगिता पाठक (सन्ध्या शर्मा) ले आफ्नो बैकल्पिक पेशकारुपमा व्युटी पार्लर सञ्चालनमा ल्याएकी छन । बुधबार बिहान एक कार्यक्रमका बीच शर्माले संचालन गरेकी ‘किभा व्युटी पार्लर’को उदघाटन गरिएको छ । चैते दशै अर्थात चैत्र महिनाको नवरात्रीको पहिलो दिनको शुभसाइत पार्दै कन्या आद्या मिश्रबाट पार्लर उदघाटन गरिएको छ ।
वर्तमान अवस्थामा पत्रकारितालाई जोगाउन सकेत बैकल्पिक पेशा आवश्यक देखेर पार्लर व्यवसाय तर्फ आफ्नो पाईला बढाएको उनले बताइन् । आफु भित्र रहेको सिपलाई सदुपयोग गर्दै पत्रकारिता सहित अन्य व्यवसायमा हात हालेको शर्माले बताइन् । उनले आफु कलमकै माध्यमबाट सबैमाझ चिनिएकीले पत्रकारिताको मुल कर्मलाई नछाड्ने बताउँदै दुवै क्षेत्रलाई सन्तुलन मिलाएर काम गर्ने प्रतिबद्धता ब्यक्त गरिन् । ‘लेख्ने बाहेक म संग पार्लर सम्बन्धि समेत सिप रहेको हुनाले यो पेशा सुरु गरेकी हुँ ।’ उनले भनिन् ।
नेपालगञ्ज(२ हनुमानगढी मन्दिर बागेश्वरी टोलमा संचालनमा आएको उनको पार्लरमा सौन्दर्य सम्बन्धि सम्पूर्ण सेवा उपलब्ध रहेको शर्माले जानकारी दिएकी छन् ।
प्रतिक्रिया