नेपालगन्ज । एसइई परीक्षामा अनलाईन चिट चोराउने विद्यालयका प्रिन्सिपल र शिक्षकलाई बाँके प्रशासनले ६० हजार धरौटीमा रिहा भएका छन् । गत चैत्र १४ गतेदेखि संचालन भएको नियमित तर्फको एसईई परीक्षामा व्हाट्सएप ग्रुप बनाई मोबाईल मार्फत प्रश्नपत्र आउट गराउने र चिट चोराउने नेपालगन्जको लोटस इंग्लिश मिडियम हाई स्कुलका प्रिन्सिपल तपन शर्मा र पार्टटायम शिक्षक मोहमद अल्ताफ खानलाई बाँके प्रशासनले जनही ६०/६० हजार धरौटीमा रिहा गरेको हो ।
अनुसन्धान जारी राखेर उनीहरुबाट धरौटी लिएर रिहा गरिएको बाँकेका प्रमुख जिल्ला अधिकारी श्रवण कुमार पोखरेलले जानकारी दिए । शर्मा र खान सहित पक्राउ परेका २ जना कर्मचारीलाई ३०/३० हजार लिएर छाडिएको प्रजिअ पोखरेलले बताए ।
प्रजिअ पोखरेलका अनुसार सोही कसुरमा मोबाइलमा प्रश्नपत्र आउट गराउने र त्यस्को उत्तर तयार गरि पठाउने धन्दा गरि रहेका एवान कन्सल्टेन्सीका ३ जना मध्य २ जनालाई ३०/३० हजार धरौटी लिएर रिहा गरिएको छ । कन्सल्टेन्सिबाट ईरफान अलि मिकरानी ,संतोष नेपाली र दिलिप बिकलाई नियन्त्रणमा लिइएकोमा २ जनालाई जनही ३०/३० हजार धौरौटी लिएर रिहा भएका छन् भने ती मध्य एक जना नावालक भएकोले उनलाई बाल ईजलासमा पठाईएको छ ।
चैत्र २० गते संचालन भएको बिज्ञान तथा प्रबिधि बिषयको ज्ञानोदय बिद्या निकेतन नेपालगञ्ज–२ केन्द्रमा संचालन भैरहेको परिक्षामा आफ्ना विद्यार्थीहरुलाई ग्रुप बनाई मोबाईल मार्फत प्रश्नपत्र आउट गराउने र चिट चोराउने कार्यमा संलग्न भएको र परिक्षाको मर्यादा बिपरितका गतिबिधिमा संलग्न ५ जनालाई प्रहरीले नियन्त्रणमा लिएको थियो ।
त्यस मध्ये एक नावालक भएकोले बाल ईजलासमा पेश भएको र बांकी ४ जनालाई चैत्र २७ गते शिक्षा ऐन बमोजिम परिक्षाको मर्यादा बिपरितको कसुर र सजायको माग दाबि सहित प्रशासन समक्ष पेश भएकोमा प्रजिअ पोखरेलको आदेशले पृन्सिपल र शिक्षक दुवैलाई जनही रु ६०र६० हजार र कन्सल्टेन्सिमा फेला परेका २ जनालाई जनही रु ३०र३० हजार धौरौटिमा छाडेको हो ।
घटनामा संलग्न सबैलाई धरौटीमा छाडने निर्णय भएको र थप प्रमाण बुझी फसैला भने पछि गरिने प्रजिअ पोखरेलले बताए ।
प्रतिक्रिया